Support

個金額點計出嚟？ / How is the amount calculated?

就係你自己輸入嘅薪金，除返做每秒幾多錢，再乘以你離開座位嘅時間。冇連接任何公司系統，個數字純粹係個估算，玩下咋。

做完任務個數字唔啱？ / The number looks off.

檢查下「調整基本薪率」入邊嘅月薪／時薪、每週工作日同每日工時。呢三個數一改，所有計算都會即刻跟住變。

「今日已偷取」同「今日戰績」點解唔同數？

「今日已偷取」係實時計嘅，你開住個 app 佢就一直行。「今日戰績」淨係計你真正完成咗嘅任務，所以一定細啲。兩個係兩樣嘢嚟。

買咗嘢點解隻寵物冇食到？

小食部係入貨，寵物櫃先係餵。喺小食部買嘅嘢會入你個櫃，去「寵物」個 TAB 揀返樣嘢撳「餵」佢先會食。

隻寵物點進化？

睇「下一步進化」嗰格。每個階段你餵咩類型嘅嘢食最多，就決定佢變成咩。餵肉、餵菜、餵糖係三條唔同嘅路，總共 49 隻，圖鑑會慢慢儲返。

點樣重設？ / How do I reset?

撳「清算歸零」可以清走統計數字，但唔會動你嘅錢包同寵物 — 清份報表唔應該餓親隻寵物。想全部清晒，就直接刪除個 app。